|
Gwasanaethau 2020
Dydd Sul 16 Chwefror - Secsagesima (Sul y Greadigaeth) 8.00am Y Cymun Bendigaid 10.30am Y Cymun Bendigaid ar gân ac Ysgol Sul 6.00pm Yr Hwyrol Weddi a Phregeth Dydd Mercher 19 Chwefror 10.30am Y Cymun Bendigaid Dydd Sul 23 Chwefror - Cwincwagesima 8.00am Y Cymun Bendigaid 10.30am Y Foreol Weddi ar gân 6.00pm Y Cymun Bendigaid ar gân Dydd Mercher y Lludw - 26 Chwefror 10.30am Y Cymun Bendigaid ac Arnodiad Lludw 7.30pm Y Cymun Bendigaid ac Arnodiad Lludw Dydd Sul 1 Mawrth - Garawys I (Gŵyl Ddewi) 8.00am Y Cymun Bendigaid 10.30am Y Cymun Bendigaid ar gân ac Ysgol Sul (Byddwn yn dathlu Gŵyl Ddewi yn y gwasanaeth hwn) 6.00pm Yr Hwyrol Weddi a Phregeth (Garawys) Dydd Mercher 4 Mawrth 10.30am Y Cymun Bendigaid Dydd Sul 8 Mawrth - Garawys II 8.00am Y Cymun Bendigaid 10.30am Dathliad Pob Oed 6.00pm Yr Hwyrol Weddi a Phregeth |
Secsagesima - Sul y Greadigaeth
"Am hynny 'rwy'n dweud wrthych, peidiwch â phryderu am eich bywyd, beth i'w fwyta na'i yfed, nac am eich corff, beth i'w wisgo; onid oes mwy i fywyd rhywun na bwyd, a mwy i'w gorff na dillad? Edrychwch ar adar yr awyr: nid ydynt yn hau nac yn medi nac yn casglu i ysguboriau, ac eto y mae eich Tad nefol yn eu bwydo. Onid ydych chwi yn llawer mwy gwerthfawr na hwy? Prun ohonoch a all ychwanegu un funud at ei oes trwy bryderu? A pham yr ydych yn pryderu am ddillad? Ystyriwch lili'r maes, pa fodd y maent yn tyfu; nid ydynt yn llafurio nac yn nyddu. Ond 'rwy'n dweud wrthych, nid oedd gan hyd yn oed Solomon yn ei holl ogoniant wisg i'w chymharu ag un o'r rhain. Os yw Duw yn dilladu felly laswellt y maes, sydd yno heddiw ac yfory yn cael ei daflu i'r ffwrn, onid llawer mwy y dillada chwi, chwi o ychydig ffydd? Peidiwch felly â phryderu a dweud, 'Beth yr ydym i'w fwyta?' neu 'Beth yr ydym i'w yfed?' neu 'Beth yr ydym i'w wisgo?' Dyna'r holl bethau y mae'r Cenhedloedd yn eu ceisio; y mae eich Tad nefol yn gwybod fod arnoch angen y rhain i gyd. Ond ceisiwch yn gyntaf deyrnas Dduw a'i gyfiawnder ef, a rhoir y pethau hyn i gyd yn ychwaneg i chwi. Peidiwch felly â phryderu am yfory, oherwydd bydd gan yfory ei bryder ei hun. Digon i'r diwrnod ei drafferth ei hun.
(Mathew 6:25-34) Datganaf allu mawr yr Iôr,
A wnaeth fynyddoedd byd, Yr hwn fu'n taenu'r llydan fôr, A'r awyr faith ynghyd. Datganaf fawr ddaioni Duw, Sydd yn diwallu'r byd; Â'i air fe greodd bopeth byw. A da ei waith i gyd. Hymnau Hen a Newydd Colect
Hollalluog Dduw, creaist y nefoedd a’r ddaear a’n creu ni ar dy ddelw dy hun: dysg ni i ddirnad ôl dy law yn dy holl waith a’th lun yn dy holl blant; trwy Iesu Grist ein Harglwydd, yr hwn gyda thi a’r Ysbryd Glân sy’n teyrnasu goruwch pob peth, yn awr a hyd byth. Amen. |
